Çfarë është çertifikata SSL?

Siguria në blerjet online është bërë një domosdoshmëri që duhet ta ketë çdo faqe e cila merret me shit-blerjet  online. Ofrimi i sigurisë se çdo klienti është padiskutim i rëndësishëm.  Cilido individ që paguan një shumë të hollash për shërbimet tij duhet patjeter ti ofrohen këto standarte.

Çfarë do të thotë SSL? Çfarë është çertifikata SSL

SSL (Secure Socket Layer) është një protokoll i cili na siguron dyqanin tonë online. Specifikisht faqen ku regjistrohen anëtarë të ndryshëm (sign in page).

Çertifikata SSL ose siç quhet ndryshe certifikata dixhitale, kripton githë të dhënat e vizitorëve dhe të anëtarëve të faqes. Këto të dhëna mund të jenë, rezidenca, emri, data e lindjes, numri i patentës, llogari bankare informacione personale mbi llogari të ndryshme. Të gjitha këto të dhëna që individi përdor janë gjithashtu të kërkuara në faqen e internetit për blerjet online. Askush nuk mund t’i aksesojë këto informacione në qoftë se SSL është e integruar në një faqe web.

Vizitorët e ndryshëm mund t’i dallojnë faqet e sigurta duke i identifikuar me “https” që ndodhet në fillim të adresës së internetit ose nga një simbol që mund të ndodhet tek web browser (një formë kyçi).

Çertifikata SSL ofron kriptim 256-bit dhe mbulon deri në 10 000 dollarë garanci për faqen tuaj në rast se informacioni i ndonje klienti arrin që të dëshifrohet. Për të gjitha këto ju duhet patjeter një IP e dedikuar!

Nëse keni vizituar një faqe interneti dhe keni parë atë simbolin e vogël të drynit pranë emrit të tij në shfletuesin tuaj, tashmë e keni parë SSL në veprim. Kur shfletoni ose blini online. Një ikonë e drynit në shiritin e adresave tregon se lidhja juaj është e sigurt. Kjo ikonë rrënjos besimin dhe konfidencën e përdoruesit në faqen e internetit. Vetëm webfaqet me certifikata SSL do të shfaqin këtë simbol të sigurisë, p.sh. webfaqet HTTPS.