Interneti dhe rrjetet sociale

Interneti dhe rrjetet sociale janë dy koncepte të ndërlidhura që kanë transformuar mënyrën si komunikojmë, lidhemi dhe informohemi në botën moderne.

Çfarë është interneti dhe rrjetet sociale?

Interneti është një rrjet global i cili lidh kompjutera dhe pajisje elektronike që mundëson shkëmbimin e informacionit në nivel global. Interneti përfshin rrjetet sociale, email, faqe interneti dhe një sërë gjërash të tjera të pafundme.

Si u krijua interneti?

Si shpikja më e madhe e njerëzimit pas rrotës dhe zjarrit interneti sot përdoret në gjithë botën dhe është urë lidhëse duke siguruar mundësi të pafundme komunikimi.

Interneti filloi në vitet 1960 si një mënyrë për studiuesit e qeverisë për të shkëmbyer informacione. Kompjuterët në vitet ’60 ishin të mëdhenj dhe të palëvizshëm dhe për të përdorur informacionin e ruajtur në çdo kompjuter. Duhej ose të udhëtoje në vendin e kompjuterit ose të dërgoheshin shirita kompjuterikë magnetikë përmes sistemit postar konvencional.

Një tjetër katalizator në formimin e internetit ishte nxehja e Luftës së Ftohtë. Lëshimi i satelitit Sputnik nga Bashkimi Sovjetik e nxiti Departamentin e Mbrojtjes të SHBA-së të shqyrtonte mënyrat se si informacioni mund të shpërndahej ende edhe pas një sulmi bërthamor. Kjo përfundimisht çoi në formimin e ARPANET (Rrjeti i Agjencisë së Projekteve të Avancuara të Kërkimit), rrjeti që përfundimisht evoluoi në atë që ne e njohim tani si Internet. ARPANET ishte një sukses i madh, por anëtarësimi ishte i kufizuar në disa organizata akademike dhe kërkimore që kishin kontrata me Departamentin e Mbrojtjes. Në përgjigje të kësaj, u krijuan rrjete të tjera për të ofruar shkëmbim informacioni.

1 janari 1983 konsiderohet ditëlindja zyrtare e internetit. Para kësaj, rrjetet e ndryshme kompjuterike nuk kishin një mënyrë standarde për të komunikuar me njëri-tjetrin. U krijua një protokoll i ri komunikimi i quajtur Transfer Control Protocol/Internetwork Protocol (TCP/IP). Kjo lejoi lloje të ndryshme kompjuterësh në rrjete të ndryshme të “bisedojnë” me njëri-tjetrin. ARPANET dhe Rrjeti i të Dhënave të Mbrojtjes u ndryshuan zyrtarisht në standardin TCP/IP më 1 janar 1983. Pra kjo ishte dhe lindja e internetit. Të gjitha rrjetet tani mund të lidhen me një gjuhë universale.

Çfarë janë rrjetet sociale?

Rrjetet sociale janë platforma online që lejojnë përdoruesit të ndajnë përmbajtje, të lidhen me miqtë, të krijojnë dhe të shpërndajnë përmbajtje të ndryshme, dhe të ndërveprojnë me njëri-tjetrin në një ambient virtual. Këto platforma ofrojnë një gamë të gjerë të shërbimeve dhe funksioneve.

Historia e rrjeteve sociale

Format më të hershme të mediave sociale u shfaqën pothuajse sapo teknologjia mund t’i mbështeste ato. Programet e postës elektronike nisën në fillim të viteve 1970. Por komunitetet e vazhdueshme nuk u shfaqën deri në krijimin e rrjetit të grupeve të diskutimit USENET në vitin 1979. USENET lejoi përdoruesit të postonin dhe të merrnin mesazhe brenda fushave tematike të quajtura grupe lajmesh. USENET dhe forume të tjera diskutimi u mundësonin individëve të ndërveprojnë, por secili ishte në thelb një sistem i mbyllur. Me lëshimin në 1993 të web browser Mosaic, ato sisteme u bashkuan me një ndërfaqe grafike të lehtë për t’u përdorur. Arkitektura e World Wide Web bëri të mundur lundrimin në internet shumë herë më të thjeshtë me vetëm një klikim.

Rrjetet sociale janë platforma online dhe aplikacione që lejojnë përdoruesit të lidhen, të komunikojnë dhe të ndajnë informacione me njëri-tjetrin. Këto platforma ofrojnë mjete për të krijuar profile personale. Për të ndarë postime, për të komentuar dhe për të reaguara në postime të tjera. Dhe për të lidhur me njëri-tjetrin nëpërmjet lidhjeve të ndryshme, si miqësia, pasioni i përbashkët, ose lidhje profesionale.

Disa prej rrjeteve sociale më të njohura përfshijnë:

1. Facebook: Platforma e rrjetit social më e njohur në botë, e cila lejon përdoruesit të ndajnë postime, foto dhe video, të lidhen me miqtë dhe familjen. Dhe të bashkëveprojnë në grupe dhe faqe të ndryshme.
2. Twitter: Platforma e mikroblogging-ut që lejon përdoruesit të ndajnë postime të shkurtra (të njohura si “tweet”) me një audiencë të gjerë. Duke përfshirë ndjekësit e tyre.
3. Instagram: Platforma e përbashkët për ndarjen e fotove dhe video-ve. E cila është e njohur për fokusimin në imazhe vizuale dhe për ndarjen e momenteve të jetës personale dhe profesionale.
4. LinkedIn: Platforma profesionale e rrjetit social, e cila është e dedikuar për lidhjen e profesionistëve, të punë kërkuesve, dhe të kompanive. Duke ofruar mundësi për ndarjen e përvojave profesionale dhe gjetjen e mundësive për punësim dhe zhvillim karriere.
5. Snapchat: Platforma e mesazheve të shkurtëra dhe foto-ve që zhduken. E cila është e njohur për përdorimin e efekteve të filtreve dhe për komunikimin e momenteve të shkurtëra me miqtë dhe të afërmit.

Ka edhe shumë rrjete sociale të tjera që janë të specializuara në fusha të ndryshme dhe që ofrojnë eksperiencë të ndryshme përdorimi për përdoruesit e tyre. Çdo rrjet social ka komunitetin e vet të përdoruesve dhe dinamikën e vet të lidhjes dhe komunikimit.