Këshilla për blerjet online

Këshilla për blerjet online

Blerjet Online në Shqipëri dhe Kosovë, ashtu si dhe në botë kanë njohur rritje të jashtëzakonshme. Gati 12 vjet nga krijimi i AMS.AL, duam të ndajmë me ju disa njohuri dhe këshilla që besojmë se duhet të keni parasysh përpara se të bëni një blerje online. Konsumatorët në Shqipëri po preferojnë të blejnë në rrjetet sociale si Facebook dhe Instagram. Lind pyetja, pse po ndodh ky fenomen!?

Pasiguria dhe mungesa e besimit Këshilla për blerjet online

Bumi i shitjeve online ka krijuar hapësira për mashtrim. Shumë njerëz këtu tek ne janë zhgënjyer nga eksperienca e të blerit online. Disa me cilësinë e produkteve, disa me përshkrimet që u bëhen produkteve. Të tjerë me shërbimin e klientit dhe shumë arsye të tjera. Kështu, blerësi krijon një farë sigurie duke folur me shitësin drejtpërdrejt gjatë procesit të blerjes në rrjetet sociale, ndryshe nga blerjet në faqen e internetit.

Neglizhenca dhe paaftësia e tregtarit

Neglizhenca duke marrë parasysh që disa prej bizneseve që operojnë online i kanë mundësitë dhe kushtet për t’u përditësuar me të rejat më të fundit nga e-commerce, nga optimizimi i faqeve të internetit, për të krijuar një eksperiencë të veçantë për përdoruesit, por kanë zgjedhur të mos investojnë në këtë drejtim. Paaftësia duke marrë parasysh faqet e shumta në Facebook dhe Instagram, të cilat nuk kanë aftësitë dhe mundësitë të krijojnë një faqe interneti, një identitet, një Markë.

Këshilla për blerjet online

Ja çfarë duhet duhet të keni parasysh përpara se të blini online:

Blini nga një emër i njohur Këshilla për blerjet online

Për ju dhe për tregun shqiptar, nga dikush që operon prej një kohe të gjatë. ASNJËHERË mos blini online duke përdorur kartën tuaj të kreditit/debitit nga një faqe interneti që nuk ka SSL (secure sockets layer). Faqet që kanë SSL fillojnë me HTTPS dhe në krah të URL kanë ikonën e drynit, ndërsa ato që nuk kanë SSL fillojnë me HTTP.

Në rast se doni të blini një produkt nga një emër i ri, i padëgjuar më parë nga ju, bëni një kërkim paraprak rreth reputacionit të biznesit duke lexuar review( përshtypjet nga blerësit e mëparshëm) rreth këtij biznesi.

Lexoni kushtet dhe termat e përdorimit, rreth tarifave të transportit. Lexoni rreth kthimit dhe rimbursimit dhe shërbimeve të tjera që ofrohen.

Bëni një kërkim paraprak në internet rreth produktit që dëshironi të blini.

Si për shembull përmasat, karakteristikat, opsinet etj. Mos u mjaftoni vetëm me përshkrimin e bërë në faqen e internetit nga shitësi. Shpeshherë shitësit e mbivlerësojnë produktin duke i shtuar atij karakteristika ose opsione, të cilat nuk i disponon.

Jo gjithmonë Aliexpress ka çmimet më të lira. Këshilla për blerjet online

Bëni një kërkim në faqe të ndryshme duke krahasuar çmimet që ato ofrojnë. Dyqanet në Aliexpress janë të vetë fabrikave ose personave të tretë të lidhur ngushtë me fabrikat. Nëse shiten nga ana e fabrikave, atëherë ato sigurohen që çmimet të jenë më të larta se çmimet. Të cilat u japin tregtarëve me shumicë. Në rast të kundërt nuk do të mund të shisnin me shumicë. Pasi asnjë tregtar nuk do të pranonte të konkurohej nga vetë fabrika nga e cila blen me shumicë.

Mos u gënjeni nga Transporti Falas. 

Transporti është një shërbim i veçantë nga ai i shitjes së produktit. Duke qenë i tillë ai ka kosto më vete. Kjo kosto i shtohet çmimit përfundimtar të produktit të cilin ju blini. Po nëse ju blini 3-4 produkte? Kostoja e transportit e shtuar në çmimin përfundimtar të produktit do të paguhet e veçantë për secilin produkt nga xhepi juaj.

Një produkt me vlerë 5 mijë lekë të vjetra dhe kosto transporti 2 mijë lek të vjetra, çmimi përfundimtar do të jetë 7 mijë lekë të vjetra (transporti i përfshirë në çmim). Këshilla për blerjet online

Nëse blini 2 produkte, ju do të paguani 14 mijë lekë të vjetra. ( 7 + 7 = 14 ). Nëse kosto e transportit prej 2 mijë lekësh të vjetra nuk është e përfshirë në çmimin përfundimtar të produktit, atëherë ju do të paguani vetëm 12 mijë lekë të vjetra. ( 5 + 5 + 2 = 12 )

Blini nga faqet e internetit në Shqipëri dhe Kosovë.

Transporti është shumë herë më i shpejtë. Edhe pse çmimet mund të jenë pak më të shtrejnta, në tregun vendas do të merrni më shumë siguri në rast të një defekti të produktit, në rast të kthimit të produktit ose rreth çdo problemi që mund të hasni gjatë dhe pas blerjes. Dhe po ashtu e rëndësishme, do të kontribuoni në rritjen dhe zhvillimin e kompanive shqiptare.

Interneti

Leave a Reply

Your email address will not be published. Required fields are marked *

eleven + twenty =

Recent Posts

Chat with us
Need help!
Greetings, I am here to help you with any Questions you have regarding our services.